Un mundo de enganos, onde se perdeu ou esqueceu un pouco a dignidade. Aquelo que os nosos vellos chamaban honradez. Dicíannos que esa honradez era a mellor chave para abrir portas. Agora esas portas, pretendemos abrilas con cartos, con poder ou con fachenda, aparentando o que ás veces non somos. Isto obríganos a “abrilo ollo” cando nos queren “favorecer” dándonos “duros a catro pesetas” ¿Lembran que nos dicían así?. Pois para evitar ese tipo de timos reprodúzolle estes consellos que lin nalgunha publicación. Espero que lle sexan útiles.

   

 * Calcula ben se realmente necesitas o produto ofertado e que a cantidade é a adecuada.

  

 * Comproba que o prezo que che ofertan está realmente rebaixado.

  

 * Fíxate na data de caducidade. De pouco serve comprar un 3x2 se non che dará tempo a       consumilo antes de que caduque.

  

* Fíxate na capacidade do envase, que non haxa diminuído tanto ou mais ca o prezo.

  

* Le a letra pequena da oferta.

  

* Nas ofertas de produtos con premio ou regalo, hai que ver se realmente imos utilizar ese regalo..

  

* Nas promocións onde che regalan unha segunda unidade do produto, comproba os custes das dúas unidades para ver que realmente estás aforrando.

   * Trata de elixir establecementos suxeitos ó sistema arbitral de consumo, que sempre ofrecerán mais garantías ó consumidor.